نكت مضحكة قصيرة مصرية
يشتهر الشعب المصري بأنه شعب “ابن نكته”، لقدرته على اختلاق نكت مضحكة قصيرة مصرية في جميع المواقف وجميع المناسب، كما يمتاز المصريين بروح الدعابة والمرح ويظهر هذا في طبيعة نكتهم وطريقة إلقائها.
أحلى نكت مصرية قصيرة 2022
هل تريد أن تسمع أخر نكته؟ حسناً، فقد جمع لك موقع البوابة أحلى نكت مضحكة قصيرة مصرية لعام 2022، أعرفها وشاركها مع أصدقائك، تابع السطور التالية للتعرف عليها:
- مره حرامي دخل يسرق بيت، شافه عيل صغير، قاله أسرق كتب المدرسة بدل ما أصوت وأصحى البيت.
- اتنين متجوزين متخانقين مع بعض، فالراجل كتب ورقة لمراته “صحيني 7 الصبح عشان ورايا شغل”، صحي الساعة 10 ولقى ورقة من مراته “أصحى يلا الساعة 6”.
- مرة بنت اتجوزت من ورا أبوها.. لف شافها.
- مره واحد حب ينتحر من الدور العاشر، لقى العمارة 5 أدوار، قام نط من الخامس مرتين.
- واحد بيحب يرخم عالناس كل يوم، مره نزل الشارع ملقاش حد يرخم عليه، قام وقف قدام العمود قاله عديني.
- واحدة كانت عايزه تشتغل مع رئيس عصابة، قام شغلها في غسيل الأموال.
- مره مفتاح باب اتوفي، أهله مزعلوش عليه عشان معاهم نسخ تانيه.
- واحط خياط مشي في مكان مقطوع خيطه.
- اتنين فراعنة دخلو في مرة كافية طلبو اتنين أمون.
اقرأ أيضًا: تعرف على نكت مضحكة جدا 2021
نكت محششين جديدة
من أكثر النكت المضحكة التي اخترعها المصريون هي نكت المحششين، لأنها تدخل المرح والبهجة وتشتهر بخفة الدم، وفيما يلي بعض من نكت مضحكة قصيرة مصرية للمحششين.
- سألوا محشش: هو القمر أحسن ولا الشمس؟ قالهم: القمر طبعا، قالولوا: أشمعنا، قالهم: القمر بيطلع ينورلنا بليل والدنيا ضلمة، الشمس بتيجي النهار والدنيا نور أصلا.
- محشش حب يولع في مراته، ولع في نفسه وحضنها.
- محشش سال صحبه المحشش: إيه أخبار أبوك؟ بعدين أفتكر أن أبوه ميت فكمل بسرعة: لسه في نفس التربة؟
- مره واحد محشش كان عايز يولع عود كبريت، صاحبه قاله: يمكن بايظ، قاله: إزاي! دانا لسه مولعه من شوية.
- محشش راح يعزي في ميت، فسألهم: مات ازاي؟ ردو عليه: صابته رصاصة فوق العين، رد عليهم: الله ستر وما دخلتش في عينه.
- محشش من ساعة ما اشتغل في مستشفى وحالات الوفيات بتزيد، ولما حققوا لقوه بيفصل أجهزة الإنعاش ويشحن موبايله.
- واحد محشش سأل بياع خضار: عندك فاصوليا خضراء؟ قاله لا، قاله: طيب عندك ألوان إيه؟
- اتنين محششين قاعدين قدام مرايا، الأول بيقول لصاحبه: مش واجب بردو نقوم نسلم على الجماعة اللي قاعدين دول، قالوا: واجب بردو.
- مسطول بيقول لمسطول تعرف تمشي على دخان سيجارته؟ قاله لا طبعا انت مجنووون أفرض أنت طفيت السيجارة أقع أنا؟.
- محشش راح لدكتور بيشتكي إنه كل ما ينام يحلم أن في ناس بتلعب كورة، قاله الدكتور: ماتنمش لمدة يومين، قاله: مينفعش هيلعبوا على النهائي بكرا.
- اتنين محششين كانوا عايزين يسرقوا عمارة، قالوا لبعض أحنا ناخد العمارة دي بعيد ونسرقها، فقلعوا كل هدومهم، وقعدو يزوقو جامد، قام واحد جه سرق هدومهم، قام واحد قال كفاية كدا احنا بعدنا اوي.
نكت مضحكة
نادرا ما تجد أشخاص لا يحبون سماع نكت مضحكة قصيرة مصرية، بل أن الناس يبحثون عليها باستمرار للتخفيف من أعباء وهموم حياتهم، ومن أكثر النكت المضحكة ما سنعرضه في الاتي:
- مرة واحد رفع قضية وقعت عليه.
- صعيدي راح البنك وخد حبل معاه، فواحد سأله هتعمل إيه بيه، قاله الصعيدي: هسحب الرصيد.
- مره ميكانيكي أشترى سرير جديد نام تحته.
- مدرس رياضيات اتجوز مدرسة رياضيات خلفوا عيال متساوية الساقين.
- واحد طلب من مراته يشوفها بالمكياج، قالتله ما تختصر وتقول إنك عايز تطلقني.
- مره مدير مدرسة عمل فرح، وزع على المعازيم أرقام الجلوس.
- ولد سأل أبوه هو الحب أعمى، رد عليه أبوه وقاله: بص في وشك أمك هتلاقي الإجابة.
- قمر كان عايز يتجوز شمس، فشر أنا أتجوز واحد صايع طول الليل.
- واحد خلقه ضاق أداه لأخوه الصغير.
اقرأ أيضًا: نكته تموت من الضحك
أجمد نكت قصيرة
- واحد سأل أبوه هي الحمير بتتجوز؟ قاله يا أبني أصلا مبيتجوزش غير الحمير.
- مره واحد غبي وقع، أدوله مرهم يدهن مكان الإصابة، راح دهن الجنينة.
- واحد أتجوز وخلف 7 عيال بقى أسمه سفن أب.
- مره واحد قال نكته لواحد طباخ، قام ضحك بصوص.
- دكتور سنان قتل، حبسوه في سجنال.
- مره واحدة سايقة ومشغلة ال GPS قالها انحرفي قليلاً .. قامت قلعت الطرحة.
- محشش مراته ولدت سألوه تسمي أبنك إيه؟ قال أسميه بابا على أسم أبويا.
- مره واحد بلع فوطة ريقه نشف.
أجمد نكت تموت من الضحك
- واحدة اسمها ساندي دخلت كلية الهندسة بقى أسمها ساندي متر تكعيب.
- ممرضة اتجوزت وخلفت ولدين واحد سمته وليد والتاني سمته عضل.
- راجل ومراته صعيدين اتخانقوا، قام الراجل رماها من الدور السابع، طلعت قالتله بلاش الهزار ده تاني.
- واحد بيستهبل اتجوز واحدة بتستهبل، خلفوا واد عامل مش ابنهم.
- مهندس برمجيات اتجوز وخلف بنتين واحده سمها لوجين والتانية سماها Log out.
- واحد كهربائي اتجوز اربعه جابلهم مشترك.
- مره أخطبوط كان قاعد يعيط عشان مش عارف أيده من رجله.
